Breaking News

‘लभ बर्डस्’ वेभ सिरिज बनाउदै मनिस

‘लभ बर्डस्’ वेभ सिरिज बनाउदै मनिस

पोखरा, ६ मंसिर ।

पोखरामा रहेर कलाक्षेत्रमा क्रियाशिल अभिनेता मनिस केसीले वेभ सिरिज निर्देशन गर्दैछन् ।

एमडी वक्र्स मिडिया प्रालिको ब्यानरमा निर्माणधिन वेभ सिरिज ‘लभ बर्डस्’ बारे कम्पनीले सिरिजको टिजर सार्वजनिक गर्दै जानकारी दिएको हो । निर्देशकीय हिसाबले मनिसको यो पहिलो फिल्म हो । ‘पोखरामा थुप्रै कलाकारहरु र फिल्म मेकरहरु छन् । यद्यपी अहिलेसम्म यहीँबाटै वेभ सिरिज निर्माण हुन सकिरहेको थिएन । पोखराबाट पनि वेभ सिरिज सम्भव छ र यसले राष्ट्रियस्तरमा छाप छाड्न सक्छ भन्ने लागेपछि हामीले काम अगाडि बढाएका हौँ ।’ वेभ सिरिजलाई लिएर निर्देशक केसी आशाबादी सुनिए । यो वेभ सिरिज सार्वजनिक भएपछि यहाँका अन्य मेकरहरुलाई थप सहज हुने केसीको विश्वास छ । ‘ हामीले गरेको काम पोखराका कलाकारहरु र मेकरहरुले पनि स्थानियरुपमै काम गर्दा त्यसको राम्रो रिजल्ट निस्कन सक्छ भन्ने एकखाले ट्रायल पनि हो ।’ मनिसले भने ।

सार्वजनिक टिजरमा टिनएजर्स पुस्ताको माया देखाउन खोजिएको छ । प्रेम, बिछोड र युवापुस्ताको जिवनशैलीलाई कथानक रुपमा भन्न खोजिएको यो वेभ सिरिज चाँडै नै एमडी वक्र्सको अफिसियल युट्युबमार्फत रिलिज हुने कम्पनीले जनाएको छ । सिरिजको टिजरमा अभिषेक गुरुङ र मुस्कान गुरुङलाई फिचर गरिएको छ । र, यो वेभ सिरिजका मुख्य कलाकारहरु पनि यी दुई हुन् । सुनिता केसी र डेजिना लामिछाने केसी सिरिजका लगानीकर्ता हुन् । दिपेश केसीले खिचेको यो सिरिजको संगीत नेत्र गुरुङले गरेका हुन् ।

Related posts