पुम्दिमा बस दुर्घटना, ठुलो घटना टरयो्, २ घाईते

पोखरा, कास्की जिल्लाको पोखरा -२२ पुम्दिकोट नजिकै बस दुर्घटना भएको छ ।  सडक छेउमा रहेको तिजुको रुखका कारण ठुलो दुर्घटना टरेको छ। पुम्दिकोटमा रहेको बिशाल महादेवको मन्दिर र शान्ति स्तुपा लगायतका दर्शनीय स्थान अबलोकन गर्न गएको २४ जनाको टोलि सम्भावित ठुलो दुर्घटनाबाट जोगिएको कास्की प्रहरीले जानकारी दिएको छ ।

लुम्बिनी प्रदेशको दाङबाट पोखरा क्षेत्रको भ्रमणमा आएको नव युग डान्स क्लबको २४ जनाको टोलि पुम्दिकोट घुमेर फर्किने क्रममा उनीहरु चढेको रा.१ ख २१०६ नम्बरको मिनिबस चालकको नियन्त्रण बाहिर गई ओरालो सडक किनारामा घुम्तिबाट तल खसेको थियो। तर सडक छेउमा रहेको तिजुको रुखमा बस अड्किएको कारण बस सडकबाट धेरै तल खस्न नपाएपछि सम्भावित ठुलो दुर्घटना टरेको हो।

रुखमा बस नअड्किएको भए बस धेरै तल पुग्ने र दुर्घटनाबाट गम्भीर क्षति पुग्ने सम्भावना थियो। बिहिबार भएको उक्त दुर्घटनापछि रुखका कारण भिरमा अड्किएको बस क्रेनको सहायताले सडकमा निकालिएको थियो।

तर सम्भावित ठुलो दुर्घटनाबाट बचेको कारण बसमा सात महिला र १७ पुरुष गरि २४ जना रहेपनि दुई जनामात्र घाइते भएका थिए । घाइते दुबैको पोखरा -१७ बिरौटा स्थित अस्पतालमा उपचारको लागि लागिएको छ। घाइते हुनेमा  दाङको तुल्सीपुर उपमहानगरपालिका ४ बस्ने १७ बर्षीय सन्ध्या रसाईली र सोहि ठाउँ बस्ने १९ बर्षीय मनिषा रसाईली रहेको कास्की प्रहरीले जनाएको छ। घाइतेहरुको अवस्था सामान्य रहेको समेत बिज्ञप्ती मार्फत प्रहरीले जानकारी दिएको छ ।

Advertisment