काठमाडौं । जिल्ला अदालत कास्कीले राष्ट्रिय स्वतन्त्र पार्टीका सभापति एवं पूर्वउपप्रधानमन्त्री रवि लामिछानेलाई ६५ लाख धरौटीमा छाड्न आदेश दिएको स्रोतले जानकारी दिएको छ ।
सूर्यदर्शन सहकारी ठगी प्रकरणमा अभियुक्त बनाईएका लामिछानेलाई कास्की जिल्ला अदालतका न्यायाधीश नीतिज राईको इजलासले धरौटीमा छाड्न आदेश दिएको अदालतको आधिकारिक वेबसाईटमा अध्यवधिक गरिएको छ । सामान्वतया ६ देखि ३० प्रतिशत सम्म यसरी धरौटीमा छाड्ने सम्म अभ्यास रहेको छ । लामिछाने माथि करिब ४ करोड हिनामिना गरेको आरोप रहेको थियो ।
अहिले निषेधित क्षेत्र घेरा बाहिर राष्ट्र बैंकचोक आसपासमा रास्वपाका नेता, कार्यकर्ता लामिछानेको पक्षमा नाराबाजी गरिरहेकाछन ।
यसैबिच अदालतको आदेश बमोजिम ६५ लाख रुपैयां बुझाएपनि लामिछाने बिरुद्द अन्य जिल्लामा पनि सहकारी सम्बन्धी मुद्दा चलिरहेको हुनाले कास्की अदालत बाहिर निस्कन साथ पक्राउ पर्नसक्ने अनुमान गरिएको छ ।
