पेन्सन वितरण कार्यालय पोखरामा आयोजित एम्बुलेन्स हस्तान्तरणपछि बोल्नुहुंदै कार्यालय प्रमुख बगेलले दुई देशबिचको मित्रताको प्रतीक स्वरुप एम्बुलेन्सहस्तान्तरण गरिएको बताउनुभयो । ‘’ वहांको भनाई थियो, ‘एम्बुलेन्स हस्तान्तरण दुई देशबिचकोअसल मित्रताको प्रतीक पनि हो ।‘

एम्बुलेन्स जनसङ्ख्या र भारतीय सेनामा काम गरेकाहरूको सङ्ख्याका आधारमा दिइएको बताउनुहुंदै बगेलले ग्रामीण क्षेत्रमा स्वास्थ्यको पहुँच विस्तार गर्न भारतीय राजदूतावासले लामो समयदेखी नेपालका सरकारी तथा गैरनाफामुलक संस्थाहरूलाई प्रत्येक वर्ष एम्बुलेन्स तथा स्कुल बस उपहार स्वरूप प्रदान गर्दै आएको प्रष्ट पार्नुभयो ।

स्वास्थ्य सेवा त्यसमा पनि विशेष गरी आपतकालीनस्वास्थ्य सेवाको पहुँचलाई सहज बनाउन भारतसरकारले निरन्तर सहयोग गर्दै आएको प्रमुख बगेलले बताउनुभएको पेन्सन वितरण कार्यालय पोखराका जनसम्पर्क अधिकारी भरतभूषण पाण्डेले जानकारी दिनुभएको छ ।