काठमाडौं । विश्वकपमा आफ्नो अपराजित यात्रा कायमै राख्दै अर्जेन्टिना समूह ‘जी’ को विजेता बनेको छ । समूह चरणको अन्तिम खेलमा अर्जेन्टिनाले जोर्डनलाई ३-१ ले पराजित गर्यो ।
अर्जेन्टिनाका लागि गिभानको लुसेल्कोले पहिलो गोल गरे । लाटुरो मार्टिनेजले पेनाल्टीमार्फत दोस्रो गोल गरे भने लियोनल मेसीले तेस्रो गोल गरे । योसँगै विश्वकपमा उनको गोलसंख्या १९ पुगेको छ । उनले करियरकै पहिलो ह्याट्रिक पनि हासिल गरिसकेका छन् ।
पहिलो हाफमा बेञ्चमा रहेका मेसी दोस्रो हाफमा मैदान प्रवेश गरेका थिए । जोर्डनका मौसा अल तमारिले गोल फर्काएका थिए । यसअघिको खेलमा अर्जेन्टिनाले अल्जेरियालाई ३-० ले पराजित गरेको थियो । यस्तै,अर्जेन्टिनाले अष्ट्रियालाई २-0 ले हराएको थियो । तालिकामा अर्जेन्टिनाले नौ अंक जोडेको छ ।
यता अष्ट्रिया र अल्जेरियाबीचको खेल ३-३ को बराबरीमा टुंगिएको छ । अष्ट्रियाले यसअघि अर्जेन्टिनासँग २-0 ले पराजय व्यहोरेको थियो भने जोर्डनलाई ३-१ ले पराजित गरेको थियो । अष्ट्रियाले तालिकामा चार अंक जोड्दै उपविजेता बन्यो ।
अल्जेरियाले जोर्डनलाई २-१ ले पराजित गरेको थियो भने अर्जेन्टिनासँग ३-० ले पराजित भएको थियो । गोल अन्तरका कारण अल्जेरिया तेस्रो बन्न पुगेको हो ।
