पोखरा । आसन्न निर्वाचनलाई लक्षित गर्दै नेपाली कांग्रेसले पोखरा महानगरपालिका–२३ स्थित ठुलाखेतमा वडास्तरीय चुनावी सम्पर्क कार्यालय स्थापना गरेको छ । आइतबार सम्पन्न कार्यक्रममा कांग्रेस नेताहरूले जनताको आवश्यकतालाई परिपुर्ति गर्न कांग्रेस संधै कृयाशिल रहेको बताएका थिए ।
नेपाली कांग्रेस वडा इकाई सभापति भरत भण्डारीको अध्यक्षतामा सम्पन्न कार्यक्रममा कास्की क्षेत्र नम्बर ३ का प्रतिनिधि सभा सदस्यका उम्मेदवार मनोज गुरुङ र समानुपातिक तर्फका उम्मेदवार, आई बहादुर गुरुङ प्रमुख वक्ताका रूपमा सहभागी थिए ।
कार्यक्रममा बोल्दै प्रतिनिधि सभा सदस्यका उम्मेदवार मनोज गुरुङले सस्तो लोकप्रियताका लागि जनतामा असम्भव आशा बाँड्ने प्रवृत्तिको अन्त्य गर्नुपर्ने बताउंदै जनताका वास्तविक समस्या पहिचान गरी समाधानमा केन्द्रित हुने प्रतिबद्दता जाहेर गरेका थिए । उमेदवार गुरुङले कास्की क्षेत्र नम्बर ३ का विभिन्न क्षेत्र र समुदायमा पुगेर नागरिकका सुझाव संकलन गरिरहेको जानकारी गराउँदै ती सुझाव समेटेर आफ्नो प्रतिबद्धता पत्र तयार गर्ने उल्लेख गरे ।
“हामी केवल भाषणमा सीमित हुँदैनौं, जनताले दिएका सुझावलाई व्यवहारमा उतार्ने जिम्मेवारीपूर्वक अगाडि बढ्छौं,” उनले भने । साथै, उनले निर्वाचनमा विजय सुनिश्चित गर्न पार्टी पंक्तिलाई अनुशासित र जिम्मेवार ढंगले परिचालन गरिने प्रतिबद्धता व्यक्त गरे ।
समानुपातिक उम्मेदवार आई बहादुर गुरुङले पनि वडा–वडामा पुगेर नागरिकका महत्त्वपूर्ण सुझाव संकलन गरिरहेको जानकारी गराउँदै सबै सुझाव समेटेर जनमुखी प्रतिबद्धता पत्र तयार गरिने बताए । उनले कांग्रेस सधैं जनताको आवाज सुन्ने पार्टी भएको समेत उल्लेख गरे ।
कार्यक्रममा कास्की निर्वाचन क्षेत्र नम्बर ३ का प्रचार प्रसार समितिका संयोजक युवराज कुँवर, संविधान सभा सदस्य शारदा पौडेल, गण्डकी प्रदेश सभा सदस्य प्रकाश बराल, लोकतान्त्रिक खेलकुद संघका अध्यक्ष देवेन्द्र कुमार शेरचन, कास्की क्षेत्र नम्बर ३ का सचिव लक्ष्मी प्रसाद पौडेल लगायतले आ–आफ्ना धारणा राखेको ईकाई सभापति भरतराज भण्डारीले जानकारी दिएकाछन् ।
पोखरा–२३ ठुलाखेतमा चुनाबी सम्पर्क कार्यालय स्थापना संगै स्थानिय मार्की, घांटीछिना, दमदमे, कुज्बीडांडा, सिदाने लगायतका गाउं टोलमा उमेदवार मनोज गुरुङ सहितको टोलीले कोणसभा, घरदैलो र जनतासंग भेटघाट गरिएको जानकारी प्राप्त भएको छ ।
