Breaking News

संगम मा.वि.का पूर्व विद्यार्थी मञ्चको बनभाेज तथाा अधिबेशन सम्पन्न अध्यक्षमा पुनः नबीन गुरुङ निर्वाचित

संगम मा.वि.का पूर्व विद्यार्थी मञ्चको बनभाेज तथाा अधिबेशन सम्पन्न अध्यक्षमा  पुनः नबीन गुरुङ निर्वाचित

पाेखरा । पूर्व विद्यार्थी मञ्च श्री संगम मा.वि. चन्द्रकोटको प्रथम अधिवेशन सम्पन्न भएको छ । २०७७ माघ २४ गते अन्नपूर्ण गा.पा., वडा नं. ३ स्थित काँडेमा सम्पन्न अधिवेशनले पुनः नवीन गुरुङ्गको अध्यक्षतामा १३ सदस्यीय नयाँ कार्यसमिति समेत सर्वसम्मत चयन गरेको छ ।

मञ्चका आजिवन सदस्य एवम् विद्यालयका पूर्व शिक्षक एकदेव देवकोटाको संयोजकत्वमा गठित तीन सदस्यीय निर्वाचन मण्डलले उक्त नयाँ कार्यसमिति सर्वसम्मत रुपमा चयन गरेको हो । निर्वाचन मण्डलको सदस्यहरुमा राजमान गुरुङ्ग र नारायण क्षत्री रहनु भएको थियो ।

नवनिर्वाचित कार्यसमितिको उपाध्यक्षमा शिवभक्त देवकोटा, सचिवमा लक्ष्मीनारायण देवकोटा, कोषाध्यक्षमा आशबहादुर गुरुङ्ग र सह–सचिवमा चुडामणी देवकोटालाई चयन गरेको छ भने सदस्यहरुमा ताराप्रसाद गुरुङ्ग, प्रेम प्रसाद चापागाई, सम्पूर्ण गुरुङ्ग, दिनेश कुमार जि.सी., आश बहादुर वि.क., सुनील देवकोटा र मनोज क्षत्री रहनु भएको छ ।

अन्नपूर्ण गाउँपालिकाका अध्यक्ष युवराज कुवँरको प्रमुख आतिथ्यतामा सम्पन्न उक्त कार्यक्रममा श्री संगम मा.वि.को भौतिक तथा शैक्षिक बिकासका लागि मञ्च मार्फत यसैवर्ष आर्थिक सहयोग गर्ने विभिन्न ३१ जना सहयोगदाताहरुलाई खादा र प्रशंसा–पत्रद्वारा सम्मान गरिएको थियो ।

कार्यक्रमका प्रमुख अतिथि युवराज कुवँरले विद्यालय शिक्षाको स्तर माथि उकास्नका लागि विद्यार्थी संख्यामा भन्दा पनि शैक्षिक गुणस्तर वृद्दिमा जोड दिनुपर्ने बताउनुभयो ।

पूर्व विद्यार्थी मञ्चका अध्यक्ष नवीन गुरुङ्गको अध्यक्षतामा सम्पन्न उक्त कार्यक्रममा विद्यालय व्यवस्थापन समितिका पूर्व अध्यक्ष आईबहादुर गुरुङ्ग, अन्नपूर्ण गा.पा. वडा नं. ६ का वडा अध्यक्ष चित्रबहादुर गुरुङ्ग, वडा नं.७ का वडा सचिव नारायण क्षत्री, संगम मा.वि.का प्रधानाध्यापक टेकराज पोखरेल लगायतले बोल्नु भएको थियो ।

कार्यक्रममा मञ्चका कोषाध्यक्ष आशबहादुर गुरुङ्गद्वारा प्रस्तुत आर्थिक प्रतिवेदन र सचिव लक्ष्मीनारायण देवकोटाद्वारा प्रस्तुत वार्षिक प्रतिवेदन सर्वसम्मतिले पारित गरेको छ ।

कास्की जिल्लाको अन्नपूर्ण गाउँपालिका वडा नं. ६ चन्द्रकोट स्थित श्री संगम माध्यमिक विद्यालयमा अध्ययन गरेका भूतपूर्व विद्यार्थीहरुलाई संगठित गरी पारस्परिक भाईचारा सम्बन्धको अभिवृद्दि गर्ने उद्देश्यले पूर्व विद्यार्थी मञ्चको स्थापना बि.सं. २०७५ मा भएको हो ।

मञ्चले विद्यार्थीहरुलाई जेहेन्दार छात्रवृत्ति, विद्यालय पोशाक, झोला, स्टेशनरी तथा कोभिड १९ रोकथामका लागि आवश्यक विभिन्न स्वास्थ्य सुरक्षा सामागीहरु वितरण लगायत विभिन्न सहयोग विद्यालयमा उपलब्ध गराउदै आएको छ । त्यस्तै वडादशैंको अवसरमा भू.पू.विद्यार्थीहरु बीच वार्षिक भेटघाट तथा शुभकामना आदानप्रदान, विद्यालय सरसफाई जस्ता विभिन्न रचनात्मक कार्यक्रमहरु आयोजना गर्दै आइरहेको छ ।

Related posts