पोखरा । चैत २, भारतिय राजदुताबास पेन्सन बितरण कार्यालय पोखराद्दारा आयोजना गरिएको अन्तर बटालियन भूतपूर्व भलिबल च्याम्पियनसिप–२०२२ को उपाधि फस्ट फिप्थ गोर्खा राइफल्स (जिआर)
भारतको ७५ औं आजादिको अमृत महोत्सवका अवसरमा आयोजित प्रतियोगितामा बुधबार भएको फाइनल खेलमा २÷४ गोर्खा (राइफल्स) जिआरलाई २५–९,२८–२६ र २५–२१ को सेटमा हराउँदै फस्ट फिप्थ जिआरले उपाधि हासिल गरेको हो ।
उपाधिसँगै उसले नगद २५ हजार रुपैयाँसहित ट्रफि र प्रमाणपत्र समेत प्राप्त गरेको छ भने उपविजेता २÷४ जिआरले नगद १५ हजार रुपैयाँसहित ट्रफि र प्रमाणपत्र प्राप्त गरेको छ ।
विजेता टिमलाई भारतीय पेन्सन वितरण कार्यालय पोखराका प्रमुख लेफ्टिनेन्ट कर्णेल शशांक त्रिपाठीले नगद पुरस्कार र प्रमाणपत्र वितरण गर्नुभएको थियो ।
त्यसैगरि उपबिजेतालाई एसबिआई बैंक लिमिटेड गण्डकी प्रदेश इन्चार्ज शुशिलचन्द्र महत, एभरेष्ट बैंकका प्रतिनिधी चन्द्र बहादुर गुरुड लगायतले पुरस्कार वितरण गर्नुभएको थियो । प्रतियोगितामा १८ गोर्खा राइफल (जिआर) टिमको सहभागिता रहेको पेन्सन वितरण कार्यालयले जानकारी दिएको छ । राज बहादुर गुरुड बाट