अर्घाखाँची २८ चैत । अर्घाखाँची जिल्लाको पाणिनी गाउपालिकामा भएको स्कार्पियो गाडी दुर्घटनामा एक जनाको मृत्यु भएको छ । ७ जना घाइते भएको स्थानियले जानकारी दिएको छ ।
सुपा देउराली दर्शन गरि पोखरा जाँदै गरेको ग ३ च ४५७४ नम्बरको गाडी (ह्याच व्याक) घुम्ती दुर्गाफाट सडक खन्डको पाणिनी ८ कोलडाडाको ओरालोमा दुर्घटना हुदा भुमिकास्थान नगरपालिका ८ किमडाडाका ६ बर्षिय आरम्भ क्षेत्रीको मृत्यु भएको जिल्ला प्रहरी कार्यालय अर्घाखाँचीका प्रमुख डिएसपी प्रतिति सिंह राठोरले जानकारी दिनुभएको छ ।
दुर्घटनामा भुमिकास्थान नगरपालिका ८ किमडाडाका ३४ बर्षिया इश्वरी क्षेत्री, ३० बर्षिय सम्झना क्षेत्री, २ बर्षिय इभान्सी क्षेत्री, पोखरा उपमहानगर पालिका १२ हस्पिटल चोक बस्ने ३० बर्षिया सविता अधिकारी, १५ बर्षिय प्रज्वल कडेल, ४२ त्रर्षिय गीता कंडेल, १० बर्षिय जेसन बस्नेत घाइते भएको बताईन्छ ।
गाडी सडकबाट अन्दाजी १ सय ५० मिटर तल खसेको छ । घाइतेहरुको अर्घाखाँची अस्पतालमा उपचार भैरहेको र घटनाबारे थप अनुसन्धान भैरहेको प्रहरीले जनाएको छ ।
