पोखरा । सोमबार देशभर हुन लागेको नेपालको पछिल्लो पुस्ता (Gen Z) को स्वस्फूर्त प्रदर्शनमा राष्ट्रिय स्वतन्त पार्टीले ऐक्यबद्दता जनाएको छ । पार्टी महामन्त्री कविन्द्र बुर्लाकोटीद्दारा जारी बिज्ञप्तिमा सरकारको श्रृंखलाबद्ध कुशासन र राज्यशक्तिको दुरूपयोग, स्वतन्त्रता र मौलिक हक हननका विरुद्ध हामी सदनदेखि सडकमा आवाज निरन्तर उठाइरहेकै छौं भनिएको छ ।
यो परिप्रेक्षमा Gen Z समेत सशक्त ढङ्गले सडकमा आउन आँट्नु उल्लेख्य राजनीतिक परिघटना हो । सार्वजनिक मामिलामा सबैको लोकतान्त्रिक संस्कारसंगत प्रत्यक्ष हस्तक्षेप रहोस् भन्ने मान्यता हाम्रो दलको रहेको छ बिज्ञप्तीमा उल्लेख छ ।
नवयुवा पुस्ताको यस अभूतपूर्व प्रदर्शनमा सरकारको प्रतिक्रिया एवं वक्रदृष्टिमाथि हाम्रो निगरानी रहनेछ । जेनजीले उठाएका बिषयहरूलाई निष्कर्षमा पुर्याउन अपिल गर्दै जेनजीको यो प्रयासलाई बिथोल्ने, घुसपैठ र दमन गर्ने लगायतका कार्य नगर्न सरकार र सत्तापक्षीय दलहरूलाई खबरदारी गर्दछौँ ।
साथै, पछिल्लो पुस्ताको सडक प्रदर्शनमा राष्ट्रिय स्वतन्त्र पार्टीसँग आबद्ध लगायत समस्त युवाहरूलाई कुनै पनि दलीय संकेत, नारा र परिचय प्रयोग नगरी ऐक्यवद्धता प्रकट गर्न आग्रह गर्दछौँ । महामन्त्री कविन्द्र बुर्लाकोटीद्दारा जारी बिज्ञप्तिमा उल्लेख गरिएको छ ।
