पोखरा । नेपाली भाषामा निर्मित बहुप्रतीक्षित गुरुङ चलचित्र “सैँर्बे म्रु (मनको राजा)” को पोखरामा अन्तिम प्रदर्शन हुने भएको छ। पोखरा, घान्द्रुक, ताप्लेजुङ र काठमाडौँका दर्शकहरूबाट अपार माया र अभूतपूर्व साथ पाएको यस चलचित्रको पोखराका लागि यो नै अन्तिम अवसर हुने निर्माण पक्षले जनाएको छ।
यसअघि पोखरामा ४ पटक भव्य र सफल प्रिमियर शो प्रदर्शन गरिसकेको यस चलचित्रका निर्माता एवं नायक अमृत गुरुङका अनुसार, आगामी साउन २ गते शनिबार दिउँसो २:३० बजे पोखराको मिडटाउन सिनेमा हलमा पाँचौँ पटक विशेष प्रदर्शन गर्न लागिएको हो।
विभिन्न स्थानमा पाएको सफलता:
पोखरा: ४ पटक सफल प्रदर्शन (साउन २ गते पाँचौँ तथा अन्तिम शो)
घान्द्रुक: १ पटक सफल प्रदर्शन
ताप्लेजुङ: २ पटक सफल प्रदर्शन
काठमाडौँ: २ पटक सफल प्रदर्शन
