जिल्ला प्रहरी कार्यालय कास्की
प्रेस बिज्ञप्ति
कास्कीमा अपराध बिरुद्धको प्रहरी कार्बाही, समाज सुधारको अभियान । जुवा पक्राउ
1) २ दिनमा ४ स्थानबाट जुवा खेल्ने ३२ ब्यक्तिलाई नगद रु.७,२७,०५० सहित पक्राउ ।
(ख) तिन दिनमा मिटरमा जान नमान्ने ११० ट्याक्सी पक्राउ
नेपालीहरुको महान चाड बडा दशैको समयमा पोखरा महानगरपालिकाका बिभिन्न स्थानहरुमा मिटरमा नगई आफु खुसी जथाभाबि भाडा लिने तथा मिटर नै जडान नगरी आफु खुसी स्वईच्छाचारी किसिमले ट्याक्सी चलाउने ट्याक्सीहरु बिरुद्धको अभियान संचालन गरी तिन दिनमा ११० वटा ( मिति २०७६।०६।२५ गते जम्मा ५३ वटा, मिति २०७६।०६।२६ गते २७ वटा र आज मिति २०७६।०६।२७ गते ३० वटा ) ट्याक्सीहरुको कागजपत्र नियन्त्रणमा लिई कानुन बमोजिम कार्बाही गरिएको ।
(ग) बढि भाडा लिने भाडाको बसलाइ नियन्त्रणमा लिई कार्बाही
नेपालीहरुको महान चार्ड बडा दशै मनाउन विभिन्न जिल्लामा जाने यात्रुहरु ठगिन नपाउने गरी जिल्ला प्रहरी कार्यालय कास्कीले पोखराबाट बाहिरिने मुख्य सडकहरुमा तथा बढ्दो सवारी चाप हुने स्थानमा यात्रुहरुको सहजताको लागि यात्रु सहायता कक्ष को स्थापना गरी सेवा प्रदान गरिरहेको छ । यसै क्रममा बिच बाटोमा कुनै पनि यात्रुलाई अप्ठ्यारोमा पारी मनोमानी रुपमा सर्बसाधारणहरुसंग बढी भाडामा लिई बार्गेनिङगर्ने प्रवृतिको नियन्त्रणको लागि सडक चेकीङ तथा सादा पोशाक समेतमा प्रहरी परिचालन गरी चेकिङ तथा अनुगमन गर्ने क्रममा आज मिति २०७६।०६।२६ गते मनोमानी रुपमा बढी भाडा लिई बार्गेनिङ गरी बढी भाडा असुल गरेको पोखराबाट काठमाण्डौ जाने यात्रुहरुलाई प्रचलित भाडा दर रेट रु. ४३० भन्दा बढी ( रु. ५००) लिने भाडाको सवारी ना. ४ ख. ३४४६ साधन, चालक र टिकट काउण्टरका कर्मचारी समेतलाई लाई पक्राउ गरी नियन्त्रणमा आज मिति २०७६।०६।२७ गते कालोबजारी तथा केही सामाजिक अपराध मुद्धामा म्याद थप अनुमति लिई थप अनुसन्धान कार्य भईरहको छ ।
(घ) ठुलो मात्रामा अबैध मदिरा नियन्त्रण
पोखरा महानगरपालिका काहुडाडा, कसेरी, काजिपोखरी र रानौपौवा लगायतका क्षेत्रहरुमा अबैध रुपमा मदिरा उत्पादनतथा बिक्रि बितरण भैरहेको सूचनाको आधारमा वडा प्रहरी कार्यालय रामबजार कास्कीबाट खटिएको प्रहरी टोलीले बिभिन्न व्यक्तिहरुको घर/ पसलबाट तयारी मदिरा २०० लिटर र कच्चा पदार्थ १,१०० लिटर गरी जम्मा १३०० लिटर मदिरा बरामद गरी अबैध रुपमा मदिरा उत्पादन तथा बेचबिखन गर्ने कार्यमा संग्लन व्यक्तिहरुलाई कानुन बमोजिम कार्बाहीको लागी पत्र सहित आन्तरीक राजश्व कार्यालय कास्कीमा पठाईएको ।
यस अगाडि पनि बिभिन्न मितिमा जिल्ला प्रहरी कार्यालय कास्कीले यस प्रबृतिका गैरकानूनी कार्य गर्ने ब्यबसायीहरूलाई पटक पटक अबैध मदिरा तथा कच्चा पदार्थ सहित पक्राउ गरी कारबाहीको दायरामा लिएको छ । यसरी यस आर्थिक बर्षको श्रावण-भाद्र महिनामा मात्र ८०० लिटर रक्सी, त्यसको कच्चा पदार्थ ५७६० लिटर र १६ के.जि. मादक पदार्थ तयार गर्ने पदार्थ ‘मर्चा’ समेत बरामद गरी संलग्नलाई आन्तरिक राजस्व कार्यालय कास्की मार्फत कारबाहीको दायरामा ल्याएको छ ।
घ) प्राकृतिक सम्पदाको अबैध दोहन गर्ने ३६ सवारी साधन कारवाही
गत महिना तथा यस महिनामा मात्र कास्की जिल्लामा ट्रक –१६, ट्र्याक्टर – १७, एस्क्याभेटर – १, टिप्पर – १, ट्रक – १ तथा कटिङ ढंगा समेत बरामद गरी कारबाहीको दायरामा लिएको छ ।
