पोखरा । नेपाल बास्केटबल संघ कास्की र बास्केटबल संघ गण्डकी प्रदेश समितीको संयुक्त आयोजनामा मैत्रीपुर्ण बास्केटबल प्रतियोगिता सम्पन्न भएको छ । 
बेलायतबाट आएका बेलायती सेनामा कार्यरत (British Army) (36 Enginner Regiment & The Queen’s Gurkha Engineers) र कास्कीका बास्केटबल खेलाडी बिच मैत्रीपुर्ण बास्केटबल प्रतियोगिता शनिबार सम्पन्न भएको छ ।
पोखरा रंगशालाको बास्केटबल कोटमा सम्पन्न मैत्रीपुर्ण बास्केटबल प्रतियोगिताको बरिष्ठ समाजसेवी, बास्केटबलका पुर्ब खेलाडी कर्णेल जेपि क्रसले एक समारोहबिच शुभारम्भ गरेका थिए ।
प्रतियोगितामा बेलायती सेनामा कार्यरत (British Army) (36 Enginner Regiment & The Queen’s Gurkha Engineers) ले जेपि क्रस बास्केटबल प्रतियोगिताका लागी रु पचास हजार रुपैयां समेत प्रदान गरिएको थियो ।
बास्केटबल संग गण्डकी प्रदेश समितीका अध्यक्ष ध्वज कुमार को अध्यक्षतामा सम्पन्न कार्यक्रममा प्रमुख अतिथी कर्णेल जेपि क्रस, गण्डकी प्रदेश प्रहरी प्रमुख डिआईजी दिनेश आचार्य, बास्केटबल संघका केन्द्रिय बरिष्ठ उपाध्यक्ष जुम प्रसाद , कास्की अध्यक्ष कृष्ण , उपाध्यक्ष प्रेम पुन, बेलायती सेनामा कार्यरत मेजर अन्ना लगायतले शुभकामना दिइएको थियो ।
कार्यक्रममा बेलायती सेनाका पुर्ब अफिसरहरु, बास्केटबल संघ आबद्द महानुभाबहरु र बेलायती सेनाको गोरखा रेजिमेन्ट अन्तर्गत ३६ औं ईन्जिनियर रेजिमेन्ट तथा कुईन्स ईन्जिनियर्समा कार्यरत बेलायती सेनाहरुको सहभागिता रहेको थियो । कार्यक्रममा हिमाली सांस्कृतिक परिवारका कलाकारहरुले नृत्य प्रस्तुत गरि मनोरन्जन दिइएको थियो ।
