पोखरा । बी टु डी डान्स स्कुल पोखराको आयोजनामा सम्पन्न दोस्रो एकल नृत्य प्रतियोगिता ‘नृत्य संग्राम’को उपाधि तीन फरक विधामा इसानी आले मगर (जुनियर ‘ए’), कृपा गुरुङ (जुनियर ‘बी’) र लाजिमा राई (सिनियर) ले जितेका छन्। पोखरा उद्योग वाणिज्य संघको सभाहलमा भएको ग्राण्ड फिनालेमा ३९ जना प्रतिस्पर्धीहरूबीच कडा प्रतिस्पर्धा भएको थियो।
पुरस्कार: विजेता तीनै जनाले जनही ७० हजार रुपैयाँ, ट्रफी र प्रमाणपत्र प्राप्त गरे। मूल्याङ्कन: ७०% निर्णायक (संयोजक वरिष्ठ नृत्य निर्देशक कमल राई, सदस्यहरू रविता मगर र समर्पण लामा) र ३०% अनलाइन भोटिङका आधारमा विजेता छानिएको हो।
उप-विजेताहरू (रनर्सअप):
जुनियर ‘ए’: नेरिसा गुरुङ (फस्ट), प्रान्सी बास्तोला (सेकेन्ड), एलिना नेपाली (थर्ड), दीपशिखा राई (फोर्थ)।
जुनियर ‘बी’: स्रिमन मगर (फस्ट), प्रिया गुरुङ (सेकेन्ड), योजना गुरुङ (थर्ड), जेनिशा शर्मा (फोर्थ)।
सिनियर: नयन बराइली (फस्ट), आश्रीया केसी (सेकेन्ड), शिखा जिम्बा तामाङ (थर्ड), एन्जिल केसी (फोर्थ)।
अन्य पुरस्कार: फस्ट रनर्सअपले ३० हजार, सेकेन्डले २० हजार र थर्डले १० हजार रुपैयाँ प्राप्त गरे। नेरिसाले ‘पपुलर अवार्ड’ र सुजन्नी ल्वागुन, सृष्टी आले मगर तथा एन्जिल केसीले ‘एभेन्टोज अवार्ड’ पाए।
गण्डकी प्रदेश सभा सदस्य सरस्वती गुरुङको प्रमुख आतिथ्यता तथा शैलताज कुवँरको सञ्चालनमा भएको यस कार्यक्रमको मुख्य उद्देश्य नयाँ पुस्ताका नृत्य प्रतिभाको खोजी र प्रोत्साहन गर्नु रहेको आयोजक संस्थाका संस्थापक अमन तामाङले बताए।
